مولد ستك غزة

يتصدر مولد السيدة غزة قائمة إهتمام الجميع ، تندلع المظاهرات و تبدأ الإعتقالات يكتب الجميع و تحاصرك حملات التضامن بأشكالها المختلفة منهم من يدعوك لإطفاء الانوار بمنزلك و أخر يدعوك لإرتداء الحطة الفلسطينية و الأخر لم يجد الا ان يدعوك لتغير صورة الفيس بوك تضامنا من أهالى غزة المشردين

كلما تطفو القضية الفلسطينة على السطح - و التى لا أعلم هل سميت كذلك لأنها قضيتنا أم قضيتهم - أتذكر يوما منذ عدة سنوات و أثناء خروجى من مكتب شئون الطلاب بعد محاولة فاشلة لتأجيل دفعى لمصروفات الجامعة لأخر الشهر بعد أن أكون قد حصلت على مرتبى لاتمكن من دخول الإمتحانات لأجد طالبا من طلاب الإخوان المسلمين يلصق ملصقات داعمة للقضية الفلسطينية ، لم تزعجنى الملصقات و لا القضية برمتها و لكن كل ما أزعجنى كان جودة خامة الملصقات اللى بالتأكيد مرتفعة الثمن فى ظل إرتفاع سعر الورق و الطباعة بصقت عليهم و أكملت طريقى و انا أسب و ألعن للملايين اللى بتترمى فى الأرض و على الحيطان علشان الأمن يقطعها كمان ساعتين و انا مش لاقى أدفع مصاريف الكلية و مهدد بالحرمان من دخول الإمتحانات

متأكد من تفاهة فكر الإخوان تقريبا مالهمش قضية الا فلسطين و القدس لنا و سايبين الناس بتموت من الجوع فى مصر ما ينزلوش فى مظاهرات ضد النظام و لا غلاء الاسعار و ينزلوا و ينظموا المظاهرات علشان غزة و فلسطين

بالظبط زى اللى لابسة نقاب و الهوى طير هدومها و ماسكة النقاب على وشها و طيزها عريانة ، او زى اللى مراته تقوله انا مش لاقيه أأكل العيال ينفضلها و ينزل يعمل خناقة علشان يجيب فلوس جاره من عند صاحب الشغل

القدس لنا و الصهاينة ولاد كلب دى أمور مفروغ منها بس انك تركز كل شغلك و إهتمامك و من الأخر فلوسك علشانهم و انت بيتك مش لاقى يبقى نأجل النضال اللى و لا هايقدم و لا هايأخر دة و نركز على قضية بلدنا أهم و مستقبل عيالنا علشان نطلعهم رجالة يقفوا فى وش النظام العميل اللى جايبنا ورى دة

و اللى يقولى عايزين نولع شمعة أصل غزة دلوقت عايشة فى ظلام ، يا سيدى طب دول و عندهم نور و أتقطع عليهم تعالا أوديك قرى مصرية الكهربا مادخلتهاش أساسا و التانى اللى يتصل بيا علشان بيجمع فلوس يبعتوها لغزة يا عم ما تساعدنى انا بدل ما انا مش لاقى أكل و انا هنا فى مصر ، بصراحة حاجة تخنق و تحرق الدم ، زى ما نكون عايزين أى حاجة بعيد عن مبارك و كلابه علشان نعرف نطلع لها مظاهرات المشكلة انى ما قريتش أى حاجة بتدين النظام المصرى المتواطىء و لا واحدة من الحملات دى بتقول مبارك خاين و عميل لا كلها توليع شمع و لبس حطة فلسطينى و شويه شويه هاننقش علم فلسطين على طيازنا علشان يرتاحوا

الى كل المطبلاتيه فى مولد ستهم غزة ... برجاء نظرة كدة لأخوكم الغلبان