الصانع و صندوق الالعاب
لن تنتهى الحكايات عن الصانع
الصانع عند علاء قال انا اللى صنعت كل دة و صنعتكم
و فى محاولات منى للحكى عن الصانع
أحاول أغماض عينى كى أتخيله و أتخيل مغزى صناعته و لماذا صنعها
فلا أرى سوى صندوق كبير ترقد فيه العاب الصانع لا تدرك من أمرها شىء
و لا تعرف متى يغلق عليها الصندوق و لا متى يعلوها التراب
و الاهم أنها لا تعلم فى أى تمثيلية قادمة سوف يضعها الصانع
-----------------------------
يجلس الصانع فى صالون قصره المهيب
ينادى على الخدم و الحشم فى محاولة فاشلة لطرد الملل من يومه
يقف الخدم فى خوف و قلق فغضب الصانع ليس له حدود
ففى البدايات شاهدوه يطرد زميل لهم دون شفقة و لا رحمة
فأصبح كالشحاذ تتقاذفه الطرقات فقط لأنه جادل الصانع
يتجرأ مدير الخدم و يطرح على الصانع فكرة اللهو بصندوف الالعاب
فما صنعهم الا ليلعبوا و يلهوا أمامه
تلمع عين الصانع فالوقت وقت اللهو
فيأمر بالاسراع فى أحضار صندوق الالعاب
----------------------------------
تسمع الالعاب وقع أقدام تقترب
تستعد و تحاول فى تهالك نفض الغبار الذى يعلوها
فكل منهم على بعد خطوات من لقاء الصانع
يضع الخادم صندوق الالعاب عند قدمى الصانع
فيرفسه بقدمه إيذانا ببدء اللعب
تغمض ألعابه عيونهم فلطالما أحسوه عملاقا
و لطالما بنى بينه و بينهم جسور الخوف و الرهبة
-----------------------------
و يبدأ اللعب
-----------------------------
و مع كل هزة للصندوق
يتصارح أحدهم مع الاخر
و يركب أحدهم على القابع بجواره
يتصارعوا
يتدافعوا
يتحرشوا
يسرقوا
يقتلوا
و مع حدة الصراع
تتعالى ضحكات الصانع
فلقد وصلت المتعة الى ذروتها
.jpg)
الصانع اللى عندى مش صانع يمكن لاعب
ردحذفالصانع اللى عندك صانع انت شايفه لاعب لو (كان الصانع اللى عندك هو الصانع اللى انا فهمت انه عندك لانه فى الحالة دى الصانع اللى عندك غير الصاتنع اللى عندى ) وعليه فان كان الصانع هو اللاعب او اللاعب ليس بصانع او الصانع ليس بلاعب فليذهبوا جميعا الى الجحيم
اذا كان الصانع صنع جحيم
تجلس امامى لأول مرة
ردحذفنتقاسم الافكار
كما يتقاسم الجائعون قطع الخبز
لم اعجب من كونى لا اسمع صوت
أأخذ بيديها فى الاحلام فللحظة حسبتنى احلم
لنشاهد العاب الصانع
تشاهد دنياي و اشاهد وقع افكارى فى اتساع حدقتها
تترك يدى فجأة
فصانعى لم يتعد اللاعب
و هي تبحث عما هو أعلى
انا متبعاك من زمان و اول مرة اعرف ان عندك موهبة كتابة القصة
ردحذفحاول تكتب كتير فى الخط دة
بجد هايبقى كويس
طبعا اى كتابات بتقبل النقد والتأيد
ردحذفحلو اوى كلامك ومعبر بشكل فظيع انا قريته من قبل ما ابص على الصورة اللى بتعبر عن المكتوب مش انكر انك سيبت الكلام مفتوح اوى بدون تحديد عن مين بتتكلم وطبعا الكل فهمها على مزاجة انا فهمتها حسنى مبارك بس لما بصيت للصورة وشوفت كلمة god وطبعا معناها ربنا وان ربنا يكون بالاستهتار الى بتلمح بيه فى كلامك مش الكل هيقبل ده
ده رائى وبمكن غلط بس لولا اختلاف الرائ لبارت السلع. وفعلا شغلك حلو جدا امشى على الخط ده بس اعمل باراء الناس التانية
و الله يا همس الكلمة الىل انتى شوفتيها دى
ردحذفكلمة مطلقة برضوا زى ما بنقول فى العربية
رب البيت
و رب الاسرة
يعنى المعنى لسه مطلق
و سورى انتى كدة اللى عندك قصور فى فهم المعنى
او مش قصور نسميه زاوية ضيقه
يمكن انا عندى قصور فى فهم المعنى بس اللى اعرفه عن معنى الكلمة ولو حتى عملت ليها بحث فى اى قاموس او اى محرك بحث معناها الرب والرب فى الاسلام يعنى الله وفى المسيحية يعنى سيدنا عيسى على ما اعتقد ..........وبيرمز فى اخر الامر لربنا مش رب المنزل ولا رب البلد وده مش معناه قصور فى فهم المعنى ده اسمه ان الكلمة ليها معنى محدد مش فى داعى للمراوغة فى معناها فى اكتر من كلمة تعنى الرب وفى نفس الوقت رب البيت او البلد تقدر تستخدمها . لكن كلمة god معناها محدد وللعالم كله والكل بيستخدمها على انها ربنا علشان كده اتحددت فى دماغى زاوية ربنا لانها وجهتنى فى كده وانا لو عندى قصر فى فهم المعنى مش هفكر حتى انى اشوف كلامك معناه ايه انا فعلا تحيلت معنى كلامك على اكتر من حاجة لكن الكلمة دى هيا اللى وجهت تفكيرى لشئ واحد انه ربنا يمكن غلط ويمكن مش صح بس اكيد ان الكلمة ده معناها. وعلى العموم انا قلتلك ده رائ مش سيف على رقبتك لازم تعمل بيه. ده مجرد نقد لكلمة اتحطت غلط من وجهة نظرى ومن وجهة كل اللى يعرف ربنا بجد ومدام انت سياسى و بتتكلم فى السياسة لازم تعرف تاخد النقد فى صفك مش تقوله انت عندك قصور فى فهم المعنى. ده رائ واتمنى انى مش ابقى غلطت فى حقك كصحفى او تعديت عليك. زى ما بتقف اودام مبارك فى وقت ما فى غيرك بيهتفوله من قلبهم زى ما فى ناس موافقة على فكرتم لربنا انا مش موافقة عليها وده حقى
ردحذف:)
مدام الكلمة انتى شايفة ان دة معناها الوحيد خلاص
ردحذفخليها
شخلعة توى بوكس
انتكة توى بوكس
اى تراب توى بوكس و خلاص
و فى حاجة عايز اقولها انا مش سياسى
و مش بحب الكلام الكبير دة الصراحة
كل واحد من حقه يشوف الصانع زى ما هو عاوز لان النص بشكل ما مراوغ ومراوغة النص هى اللى تصنع توحد القارئ معاه ، جيمى زيه زى اى كاتب (ما دمتم اخدتم الموضوع على انه قصة يعنى نص ابداعى )مش مطالب ابدا بتفسير النص لان تفسير النص مسئوليه القارئ
ردحذفالقاعدة بتقول بمجرد نشر المبدع لعمله اللى فيه خلق ابداعى هذا العمل لم يعد ينتمى اليه بل ينتمى للقارئ يعنى يا همس اعتبرى الكلام ده كلامك انت وشوفى الصانع اللى انت عاوزة تشوفيه .....ممكن يقصد الظلم والقهر ممكن يقصد الحاكم ممكن يقصد الحيرة والتخبط الانسانى وعدم القدرة على ادراك الهدف من الوجود ممكن الصانع يبقى حاجات كتير المهم انت شايفاه ايه
معلش يا جيمى انى دخلت فى الخط اتمنى ان ده ميضايقكش انا بناقش قضية ادبية
بالمناسبة انت قلبت المدونة خلفيتها احمر ولا انا بيتهيالى ؟
انا شوطت كورة و الموضوع انتهى
ردحذفكل واحد بقة يفلسفها على مزاجه
يعنى كل واحد يشوف الصانع بتاعه من وجهة نظره ايه
و يعيش فى التحليلات
اه انا غيرت الخلفية خليتها طوبى
اصل مزاجى طوبى اليومين دول
هارجعها تانى او يمكن المزاج يقلب بصلى
أيوه كده يا جيمي ..هوه ده ..عوداً حميداً يا معلم ..أنا كده أعرف أقرالك ... جامدة اوي اوي بجد ... ومبروك علي الشكل الجديد ..كده أنضف برده
ردحذففلتحيا العبثية يا ابو سيزر
ردحذفههههههههههههه
المشكلة بس الواحد بتاخده الاحداث و كدة انت فاهم
انا برده يا جيمى فهمتها على انها ربنا وخاصة موضوع الخادم ده اللى هو طرده ده طبعا ابليس واللى يخلينى افهمها بالشكل ده كمان كلمة الصانع الكلمة دى مالهاش غير معنى واحد عندى يمكن انا كمان عندى قصور فى الفهم بس ده اللى فهمته وانت طبعا يهمك تعرف رأى الناس والا ماكنتش نزلتها هنا فى المدونة وشكرا
ردحذفيا جيمى انت لو عايز تتشهر والناس تختلف عليك ممكن تكتب اى حاجه بس إبعد عن الذات الإلاهيه
ردحذفانا عارف ان الناس هتقف معاك ، انا واثق من دا وهيشتمونى ويقولوا دى حريه وكلام بيض كدا
بس صدقنى الشهره ممكن تيجى بطريقه أنضف من كدا
لا.. انا معاك يا عندما انحني
ردحذفانا احترمت تلك القصة لاننى لم افسر الصانع على اساس انه الله عز و جل
و اظن ان جيمي هوود نفسه لا يقصد الذات الالهية
على العموم لم اطالب بتوضيح المعنى لان لكل كاتب حق فى اختيار رموزه التى يعبر بها عما بداخله
على العموم هى جيدة جدا
تحياتي
كاسبر
ردحذفانت فاهمها على انها ربك هوه الصانع
و الله دى مشكلتك انت اللى شايف ربك صغير قوى كدة
مش مشكلتى انا روح عالج ايمانك بعيد عن قصتى
لو انت واثق منه و عقيدتك جامدة كنت فسرتها باى معنى تانى
--------------------------------------------
عندما انحنى
شهرة ايه يا ابنى انت اهبل ؟؟؟؟
لو عايز اتشهر هاروح داخل سابب الدين وش للرب و الاديان كلها
لكن احنا بناقش المفروض عمل ادبى هاتقولى شهرة و بتنجان
اسالك سؤال صحيح هوه اسمك دة مش ممكن انا باسلوب ادبى
احوله من عندما انحنى لعندما افلقس ؟؟؟
----------------------------
بنت سعد
انتى مع عندما أنحنى فى ايه بالضبط ؟؟؟
على العموم متشكرين
معذرة لم اقصد الاساءة اليك انك تسعى للشهرة من خلال ذلك.. انت مشهور اصلا بما يكفي
ردحذفانما كان موافقتى على عندما انحنى في احترام الذات الالهية و عدم المساس بها
هذا كل ما قصدت و عذرا ان لم اكن قد نجحت في توصيل ما ابغي اليك في ردي الاول .. و ابقى احسن الظن بعد كده :)
تحياتي
عادى بقة
ردحذفبس اظن راجعى انتى الكومنتين و شوفى افهم ايه انا
على العموم هاقولها تانى
الىل يجى يقول ان الصانع دة ربه
يبقى هوه مش عنده عقيدة و عقيدته مهتزة
و ماجيش يناقشنى
لان هوه اللى حط ربه فى القصه لانه شايفه كدة
اسمح لى يا جيمى انى اقول رايي..متهيالى ان اى كاتب بيحترم القلم الرمز عنده مش هيبقى اسقاط على اشياء بعينها ..اله ..اشخاص..وانما معانى ..السلطة ..القهر..الحلم..الجهل..وانا شفت فى كتابتك معانى وبحترم لغتك واختيارك..على فكرة حتى لو كان الواحد ملحد لازم نسمع رايه ونشوف تجربته..لان احنا..البشر يعنى..جامدين قوى وعظماء قوى..كفاية ان ربنا وثق فينا وسلمنا الخلافة..انا طبعا مقصدش انك ملحد لكن بس بعبر عن فكرتى..وصباحك زى وشك يا قمر
ردحذف:) انا متشكر جدا على نصيحتك ليا وهاحاول اصلح ايمانى لو فيه حاجة غلط وبعدين ياعم انت زعلت اوى كدة ليه احنا بنتناقش وانا مقلتش حاجة غلط يعنى وعالعموم ممكن تمسح تعليقى لو هو مضايقك اوى كدة وشكرا يا باشا
ردحذفمريم
ردحذفاولا يا مريم انتى من زمان بتقريلى و مش محتاج انى ادافع عن نفسى لانك تقريبا
عارفانى من خلال كتابتى و لو نسيتى راجعى اسلوبى انا شايفا ان ثقافة السم فى العسل
هيه الثقافة اللى لازم تسود مش هاطلع اقول فى قمع و فى سلطة ظالمة كدة وش
بحاول ادس دة وسط قصه وسط تدوينة اظن انا دة اسلوبى و انتى عارفاه و لامساه من طول المدة الموضوع بعيد عن الحاد خالص و كنت فاكر ان دة باين وواضح
كاسبر
انا اتضايقت بس من اتهام و دة واضح ... و انا ما وجهتش سب او اى كلام لشخصك انا طرحت حاجة عامة يا كاسبر
والله يا جيمى ماحد فاهمك قدى ..ده انت حبيبى يا جيمى ,وواضح ان احساسى صدق,اوعى يكون كلامى التبس عليك لانى فعلا قصدت ان كتابتك فيها معانى ..مش كده تمام يا معلم
ردحذفيا مريم مش على كدة انا علشان بس عارف انك بتقريلى من زمان فأكيد عارفانى كويس
ردحذفبس كدة يا معلم دى الفكرة و بعدين تعالى هنا انا مش قلت لك ابعتيلى ميل هوه فين ؟؟
كنت عايزه اعرف ايه السبب الي جعلنا نرسم نفس اللوحة او نستخدم نفس الالوان فوجدت في كتاباتك شيء يشبهني ممكن ولكن اسلوبك في الكتابه اجمل مني :)انا بحب الفن التجريدي جدا وباستخدم هذا الاسلوب في الكتابه وبحبه قوي يمكن عشان بيخلي الانسان يفكر.. يستنتج.. يتخيل..الاسلوب رائ وانت صانع متقن...
ردحذفكلنا العاب وكلنا صانع
كلامك منمق جدا يا رشا
ردحذفبس انا شايف انك اشطر منى شويه فى الرسم
او يمكن علشان انا انتاجى قليل بسبب انشغالى على طول
بس فعلا انا مش عارف انتى رسمتى نفس اللوحة ازاى
حتى الاتجاه بتاعها و نفس الالوان تقريبا
انا بقالى من يومها مستغرب جدا
هابقى ادور على صورة للوحة دى و افرجك عليها
كلامي منمق مش قوي :) اتمنى ان تجد وقتا للرسم اعتقد انك ستبدع فيه كما الكتابه
ردحذفتحياتي
احيانا يمنعنا القدر من الاستمتاع بما نحب
ردحذفاحيانا تتدخل و تتظافر تلك القوى الخفية الهدامة فى حياتنا العبثية
احيانا تبحث عن نفسك فتج بقايا من بقايا سراب متداعى
حرية التعبير مش سبب انك تغلط فى ربنا وحكم ربنا ومقدرات ربنا فى الخلق ثانيا انت عندك قصور فى اللغه الانجليزيه حيث ان استخدامك للكلمه بصوره نكره ملهاش غير ربنا ثالثا لو حكمت ادنى درجه من العقل فى استخدامك لكلمة الصانع هتتاكد انك تقصد ربنا لا ن مفيش حاكم او ولى امر مهما كبر مقامه ان يكون صانع فلذلك لو انت مسلم هتكون مرتد والكلام اللى بتقوله مش تخاريف دى هرطقه
ردحذفهرطقة اموت انا فى الهرطقة
ردحذفمش دى برضوا مقرمشات ذرة :D
طيب يا عم هانمشيها انى عندى قصور فى الانجليزى
اما انت بقة عندك عجز فى العربى لانك بتقول ان الصانع مالهاش معنى غير ربنا
احا بقة دة انت ما بتعرفش اى عربى خالص
العاب رقية
ردحذف-العاب بنات
-العاب فلاش
-العاب طبخ
-العاب سيارات
-العاب تلبيس
-العاب بن تن
-العاب مكياج
-العاب ماريو
-العاب تلوين
-العاب دورا
أزال المؤلف هذا التعليق.
ردحذفأزال المؤلف هذا التعليق.
ردحذفأزال المؤلف هذا التعليق.
ردحذف