الاقوال المأثورة لمرحلة التوريث
على وزن الاقوال المأثورة لفؤاد نجم
المجد للفرعون فى الاعالى و للشعب الهوان
و على مصر الخراب
مواطن مصرى تعبان من سفر ما قبل التوريث
----------------------------- اذا الندل حكمك بيحكم لعله
و تسمع وعود زى كدب الاغانى رئيسك حبيبك تعب من الرياسة
و زهق و قرر يورث عياله فخليك سو ايزى و طنش عزيزى ما احنا شعب مهرتل و فانىو بما انك اشتريت الرئيس بالخسارة
و ضيعت حقك فى أختيار مثالىفلما تهب رياح النهايه
هايفضل مكلبش عشان خاطر عياله واحد وطنى لحركة كفاية من سفر التوريث
-------------- ابويا الرئيس قبل اما احكم دعانى وعظنى و نصحنى و سلك ودانى
بان انتوا شعب موطى و مطاطى
و انى راح أحكم مفرفش و هانى
فيا شعب أهلا بعصر التلاهى
دة عصرى كويس و حلو و باهى
جيمى بيه من سفر ما بعد التوريث
هههههههههههههه
ردحذفنفسي بجد تكتب حاجة ومضحكش عليها
ربنا يكرمك يا شيخ اول مرة اضحك بجد من ايام فيلم الفنكوش
ذكرتني بأشعار مطر الساخرة و لكن على الطريقة المصرية العامية المعروفة :السهل الممتنع
ردحذف***
اللهم عليك بالظالمين و من والاهم
**
تحياتي
بيدو
ردحذفمش فاهم يعنى ايه سيادتك
خلاص هاكتب و انا مغمض عينى بعد كدة علشان ما تضحكش
و لا اقولك هانزل دوى امساك مع كل تدوينة
امساك عن الضحك اوعى تفهم غلط
اللهم كتر اسهالنا .... فهو دليل على اننا مازلنا نأكل جيدا
بنت سعد
ردحذفتعيشى و تفتكرى سخرية كمان و كمان يا بنت سعد
الا قوليلى صحيح كومنتاتك بقت قصيرة كدة ليه
انا بطمن بس ربنا ما يقطعلك عادة يا رب
وة تعيشى كدة غزيرة الفكر
جيمي.... والنبي شفلنا في سفر التوريث دة هانموت من الجوع امتى؟ و فيه امل نفضل نضرب على قفانا بس و لا هانضرب في كل حته....؟
ردحذفبنت سعد...فينك من زمان؟
يا ماك
ردحذفدة بقة هايبقى فى سفر تانى لوحدة اسمه سفر التجويع يا باشا الشعب دة
اعظم من ان الظلم اللى وقع عليه يتحط فى سفر واحد
و بنت سعد كانت بتصيف بس و رجعت
نياهاهاهاهاهاهاه
هما منزلين الظلم اللي بيعميلوه فينا على اجزاء كده يعني زي مسلسل رأفت الهجان
ردحذفهو الجزء 10 سنين برضه ...
طمنتيني يا عم ...فاضل 5 سنين على الجزء الجديد
اها .. بدأنا الاشاعات المغرضة
ردحذفلا يا ماك انا الحمد لله موجودة بس انت عارف ال10 الاواخر و كمان انفلونزا فالواحد بقه عايش بالقصور الذاتي .. الحمد لله
****
المهم نعود الى جيمي هوود و قصيدته ..
لا ارى انها تحتاج لتعليق طويل ..
حسنا بما اننى في الفرع الطبي .. فتشخيصي لحالتك يا استاذي
بانك مصاب بالشفاء :)
****
و انا اقرأها فكرت في انها ستنضم الى القصائد الممنوعة.. ابتسمت . تذكرت ان الشعر الوحيد المسموح به الآن حتى لا يزعج النظام .. هو كالاتي :
****
ـ أكتب لنا قصيدة
لا تزعج القيادة
( . . . . . . . . . )
ـ تسع نقاط ؟؟!
ما لذي يدعوك للزيادة ؟
( . . . . . . . )
سبع نقاط ؟؟!
لم يزل شعرك فوق العادة
( . . . . . )
ـ خمس نقاط ؟؟!
عجباً !
هل تدعي البلادة ؟
( . )
ـ واحـــدة ؟!
عليك أن تحذف منها نقطة
إ حذف
فلا جدوى من الاسهاب والإعادة
( )
ـ أحسنت
هذا منتهى الإيجاز والإفادة !!
**
مطر كالعادة
***
تحياتي
اغري حاجة سمعتها عن التوريث اللى امى قالتهولى وهى شايفانى بغلى ايام مؤتمر الحزب الوطنى قالت ان البلد دى الواحد مينعش يعيش فيها بعقل كامل .. يعنى لازم نعيش بنص عقل والنص عقل بيقول ان احسن واحد يمسك البلد هوه جمال لانه شبع خلاص..امى الطيبة متعرفش ان دول مبيشبعوش وعلى راى جبران..اللهم اشبع المتخمين..وطوبى لمن ينوون النزول الى الشارع بلابيص اذا مسكها جمال
ردحذفيا ست مريم
ردحذفقولي للسيدة المحترمة والدتك ان لو كانوا بيشبعوا كان المعلم الكبير بطنوا انفجرت من الشبع من زمان
عارفة الناس اللي بتعمل عمليات ربط للمعدة علشان ما يكلوش كتير و يخسوا... دول بقه بيركبوا 10000 معدة علشان يكلوا حقنا اكتر
ماك
ردحذفبص هما ناويين يعملوه سلاسل زى هارى بوتر كدة
هايبقى اسمها حسنى و المواطن الجعان
حسنى و الشاب العواطلى
حسنى يتحدى الاوغاد الىل هما الشعب طبعا اللى باصص فى فلوس الاغنياء و الحرامية الكبار
و بعد كدة طبعا و كما فى قصص بات مان لازم بات مان يتعب و يجيبوله روبين
المرة دى هايجيبوله جيمى هايبقى حسنى و جيمى فى بلاد الـ لى لى... لى لى
بنت سعد
ردحذفلو كانت القصيدة طلعت زى ما هيه كان زمانى فى المعتقل بتهمة اهانة السيد ظالم الجمهورية ... بس للاسف واحد صديقى مسكنى على الماسنجر كتر خيره و قعد ينصح فيا و هوه فاكر ان كلامه مش مؤثر بس كلامه فعلا كان مؤثر لدرجة انى عدلت القصيدة
بس واعد نفسى انى اكتب المرة الجايه و ما احكيلوش على مشاريعى من قبل ما تتعمل زى عادتى فى الايام الاخيرة علشان كلامه من الواضح انه له تأثير
و بجد متميزة فى اختيار اشعار مطر اللى بتلائم الموضوع
هوه مطر دة كان مستقصدنى زى واحد صاحبنا هوه كمان و بيكتب حاجات تليق على المواقف بتاعتى ؟؟؟؟؟
مريم
ردحذفاحب انبهك لحاجة انى انا صاحب فكرة الخروج للشوارع بلابيص فى حالة مسك جمال الحكم
فلو سمحتى تخصينى بالدعاء الاول و تقولى
طوبى لجيمى هود لما ينزل بلبوص احتجاجا على جيمى الريس
و طوبى لمن سيقلع بعد جيمى محتجا
و قولى لماما جيمى هود بيقولك هما مش هايشبعوا الا لما يحمروا الشعب و ياكلوه
كل يوم يا جيمي بحبك اكتر....انا معاك جدا في موضوع البلالبيص دة ...و بفترح انها تكون شعارنا في الانطلاقة الجديدة (شعبنا بلبوص يا جمال)
ردحذفو كل المظاهرات ننزلها بلالبيص
و خصوصا حتبقى حلوة في الحر دة و لعلمك الحكومة مش هيكلمونا...علشان يسيبوا التلفزيونات تصورنا و الناس تشوفنا برة و يقولوا ما هو في مصر حرية على الاخر .. امال الناس دي بتتظاهر ليه
من حلاوة العيشة
دعوة إفطار للمدونين المصريين
ردحذفالدعوة مفتوحة وعامة لكل المدونين المصريين
الافطار هايكون بنظام الديش بارتى كل واحد يجيب اكل معاه وكلنا ناكل مع بعض
كل واحد يدعوا كل المدونين اللى يعرفهم بنفسه، نتعرف على بعض ونأكد على
اجمل حاجه فى التدوين ، روح التدوين اللى ممكن تجمعنا كلنا
المكان المرة دى مش هايكون مطعم ولا فندق ولا غيرة
هانفطر فى المكان الوحيد اللى المفروض نفطر فيه
ســـوق الأســرة
مشروع متميز لمجموعة شباب زينا ، بيشتغلوا ويقدموا خدمة حقيقية و واقعية
للمجتمع ، بشكل حضارى ومبتكر،
يقدم السلع باسعار مخفضة، عن طريق اختصار الوكلاء
السوق بيساعد الفقراء وبيشغل العاطلين و بيضرب مثل على العمل التعاونى
والتضامنى وقدرة الشباب على
الاعتماد على انفسهم
التجربة رائدة ومحتاجه تضامن من الجميع
تم الاتفاق مع مجوعة ادارة السوق على موعد يوم الخميس القادم 19 اكتوبر
عنوان السوق : سوق الاسرة 288 ش السوادان المهندسين القاهرة
ماتنسوش الدعوة عامة واليوم بتاعنا كلنا ، كلنا هاندعوا بعض
هانفطر سوا كلنا
الخميس القادم 19 اكتوبر فى سوق الاسرة
فكرة وتنظيم
نورا يونس و أيــــــوب المصرى
****
:) لا اعلم بصراحة تفاصيل اكثر عن الموضوع و لكن يمكنك ان ترسلها الى جميع من تعرفهم من المدونين
***
تحياتي
mak&bent sa3d
ماك
ردحذفانت بتبعتلى الدعوة ليا انا
هههههههههههههههههههههههههه
كل سنة وانتم طيبين وكل سنة والبلابيص لابسين والجعانيين شبعانين والفقرا مش محتاجين والمصريين مش منهوبين والمساكين مش مداسين والي في القطرا مش محروقين والي في العبارة مش غرقانيين والموظفين مش مبوزين والمعتقلين مش محبوسينو الفلسطنيين مش مجروحين وورير الشئون الدينية التونسي مش مجنون والنيا حلوة ومصر بخير وكل سنو وانتا حاكم ياريس
ردحذفعبادى
ردحذفتعليقك جامد جدا جدا جدا
اجمل حاجة ان اللى بيعلقوا فى المدونة هنا
مستواهم الفكرى و فى الكتابة عالى
ربنا يزيدكوا يا جماعة بجد
بس بجد تعليق عجبنى جدا
يا باشا العفو...انا كنت ببعتها للحبايب و بس
ردحذفيا ريت اشوفك هناك
ماك
ردحذفيا ريت انت اللى تيجى
و بالمناسبة السعيدة دى انا نفسى فى المحشى يا جدعان
اللى هايجيب محشى هاحط صورته على بانر المدونة و اسميه الحاج تخاريفى :P
راعوا ظروف اخوكوا اللى مالوش حد يعملوا محشى
يا سيدي انت تأمر بس قوللي اعملك محشي ايه...اسف على اللفظ بس و الله بتكلم جد عايز محشي ايه؟؟
ردحذفهانخلي الوالدة تظبطنا هو احنا عندنا كام جيمي يعني
7ases keda enak za3lan menny 3alashan ba3atelak el da3wa?? ew3a ya gemy
ردحذفماك
ردحذفلا يا راجل ازعل منك ليه بس دة انت ليك معزة خاصة
بس انا فعلا جاد فى موضوع المحشى دة انا بقالى سنة ما دوقتوش يا جدعان
و بعدين ايه لا مؤاخزة دى هوه المحشى بقة عيب :d
يا ابني قولي عايز محشي ايه
ردحذفاى حاجة اى حاجة بس هات انت كل حاجة :p
ردحذفow3a tez3al menny...bas lel2asaf 7asalet moshkela we lan astate3 an a7der lak el ma7shy......ana 3aref enno 7'abar we7esh awy ...bas yarab yekon 7ad men el bloggers el tanyen gablak ma7shy...tesma7ly ba2a ageb saneyet batates bel7ama
ردحذفheeeeeeeeeeeeeeeeeeeeeeeeeeeeeeelp
ردحذفana la2ethom bey2ololy 7awel el blog beta3ak le (beta blog)_ we ba3d ma7aweltaha la2et el 3araby kolo zaher 7arf 7agat 3'areba keda zay el 3araby we el english bas elly bayen....
enkezny ya gemmy
المشكلة في الثقافة السائدة والمنقوع فيها المصريين علي مدار قرون وليست في مبارك أو اسرته، ولا ذنب لهم اذا جائت فرصة بهذا الشكل ليستفيدوا منها، وعلي رأي المثل " كل عشي الأعمي ، انت مش ارحم عليه من اللي عماه"
ردحذفأن طريق الكفر هو طريق الحرية للمصريين وأمثالهم ، ويجب تحطيم الأصنام حتي لو أدي ذلك إلي الفوضي الخلاقة، ولا بديل عن ذلك حتي لو ظهر مليار سفر من اسفار التوريث